Sabog

Diri sa gawas sa among balay
Naghangad-hangad ako,
Gitutokan, gi-storyahan
Ang mga bituon nga walay libog.
Gipa-ngutana nako sila---

Unsa ang ilang makasulti
Kabahin nako
Nga nag hangad-hangad karon sa langit?

Kung ila bang nabasahan
Ang sulod sa akong huna-huna
Sa mga matag gabii nga mopauli ko sa amoa?

Kung ila bang nasabtan
Ang mga nag dagan-dagan sa akong huna-huna karon?
Kay ako mismo wala kahibaw
Kung unsa dyud akong gustong buhaton.

…Samtang nagpaabot ko sa ilang mga tubag
Magpabilin kong nagtutok sa mga bituon
Kay sila ra ang nakahibaw,
Kay sila ra ang nakakita.